ताडोबात वाघीण व बछड्यांची विष देऊन शिकार केल्या प्रकरणी तीन ग्रामस्थांना घेतले ताब्यात.

चंद्रपुर जिल्ह्यातील ताडोबा- अंधारी व्याघ्र प्रकल्पातील मोहर्ली वनपरीक्षेत्रातील सीतारामपेठ नियतक्षेत्रामध्ये गस्त घालताना रविवारी दोन वाघीण बछडे मृतावस्थेत आढळले होते. त्याच ठिकाणी शेजारी दोन बंदरही कुजलेल्या अवस्थेत मृतावस्थेत आढळले होते. सर्व मृतदेह हे कोंडेगाव या छोट्या तलावाजवळ आढळून आले होते. सदर वन्यजीवांचा मृत्यू हा विषबाधेने झाल्याचे स्पष्ट झाले आहे.

वाघीण, बछडे यांचे अवयव हैद्राबाद येथील प्रयोगशाळेत तपासणीसाठी पाठवण्यात आले आहे. याप्रकरणी कोंडेगाव येथील तीन ग्रामस्थांना चौकशीसाठी ताडोबा प्रकल्प व्यवस्थापनाने ताब्यात घेतले आहे. मात्र मंगळवारी कोणालाही अटक करण्यात आलेली नाही.

ताडोबा-अंधारी व्याघ्र प्रकल्पातील बफर झोन मधील मोहर्ली वनपरीक्षेत्राच्या सीतारामपेठ नियतक्षेत्रातील कक्ष क्रमांक ९५६ मध्ये मागील बुधवारी पूर्ण विकसित झालेली वाघीण मृतावस्थेत आढळली होती. वाघिणीचा मृतदेह सीतारामपेठ-कोंडेगाव रस्त्याजवळ दिसून आला होता.

Leave a Reply

Your email address will not be published. Required fields are marked *