लॉकडाऊन ब्रेकिंग…! संपूर्ण देशातील लॉक डाऊन ३१ मे पर्यंत वाढविले.

देशातील कोरोनाचा वाढता प्रभाव पाहता केंद्र सरकारने वाढवण्याचा निर्णय घेतलेला आहे आज तिसऱ्या लॉकडाऊनच्या शेवटच्या दिवशी केंद्र सरकार तर्फे लॉकडाऊन ३१ मे पर्यंत वाढवण्याचा निर्णय घेण्यात आलेला आहे. राष्ट्रीय आपत्ती निवारण प्राधिकरणाने याबाबतची घोषणा केली.
केंद्र सरकारकडून लॉकडाउन ३१ मे पर्यंत वाढवण्याचा निर्णय जाहीर करण्यात आला असून नियमावलीदेखील जाहीर करण्यात आली आहे. नव्या नियमावलीनुसार लॉकडाउनच्या चौथ्या टप्प्यात मेट्रो, रेल्वे, विमानसेवा बंदच राहणार आहे. तसंच कॉलेज, शाळा, सिनेमागृह, धार्मिक प्रार्थनास्थळंदेखील बंदच राहणार आहेत. राजकीय कार्यक्रमांवरील बंदीही कायम राहणार आहे. केंद्रीय गृहमंत्रालयाने ही नियमावली जाहीर केली आहे. आंतरराज्य तसंच आंतरराष्ट्रीय विमानसेवा बंद ठेवण्याचा निर्णय घेण्यात आला आहे. फक्त एअर अॅम्ब्युलन्सला परवानगी देण्यात आली आहे. केंद्रीय गृहममंत्रालयाने नियमावलीत हॉटस्पॉट आणि कंटेनमेंट झोनमध्ये निर्बंध कायम राहणार असल्याचं स्पष्ट केलं आहे. हाय रिस्क असणाऱ्या कंटेनमेंट झोनमध्ये लॉकडाउनचं कठोरपणे पालन केलं जाणार आहे.
कोणत्या गोष्टींवर निर्बंध लावण्यात आले आहेत ?
आंतरराज्य आणि आंतरराष्ट्रीय विमान सेवा, मेट्रो सेवा, शैक्षणिक संस्था बंद राहणार आहेत. हॉटेल, रेस्तराँ बंद राहणार. चित्रपटगृह, शॉपिंग मॉल, जीम, पूल, पार्क, बार बंद राहणार, सामाजिक, धार्मिक कार्यक्रमावंर बंदी कायम असून सर्व धार्मिक प्रार्थनास्थळं बंद राहणार आहेत. ६५ हून जास्त वय असणारे ज्येष्ठ नागरिक, व्याधी असणारे, गरोदर महिला, १० वर्षापेक्षा लहान मुलांनी घरातच थांबावं असे सांगण्यात आले आहे.
कोणत्या गोष्टींना परवानगी 
बस किंवा इतर वाहनांमधून प्रवाशांच्या आतंरराज्य प्रवासाला परवानगी. यावेळी दोन्ही राज्यांनी एकमेकांची संमती घेणं आवश्यक असणार असून कंटेनमेंट झोनला यामधून वगळण्यात आलेलं आहे.कंटेनमेंट, बफर, रेड, ग्रीन आणि ऑरेंज झोनसाठी नियमावली निर्णय घेण्याची जबाबदारी आणि स्वातंत्र्य राज्यांना देण्यात आलं आहे. पंतप्रधानांसोबत झालेल्या बैठकीत अनेक राज्यांनी तशी मागणी केली होती रेड, ऑरेंज, कंटेननेंट आणि बफर झोनचं सीमांकन जिल्हा प्रशासनाकडून करण्यात येणार आहे. यावेळी केंद्राच्या नियमावलींची दखल घेणं गरजेचं आहे. कंटेनमेंट झोनमध्ये फक्त जीवनाश्यक गोष्टींना परवानगी असेल.

Leave a Reply

Your email address will not be published. Required fields are marked *